KGOELETŠO YA DITŠHIŠINYO TŠA BAHLANKEDI GO TLO ŠOMELA LEKGOTLA LA BOSETŠHABA LA BOKGOBAPUKU LE DITIRELO TŠA TSHEDIMOŠO, GO TLOGA KA LA 1 NOF.2006 GO FIHLA KA LA 31 OKT. 2009
Maloko a ditirelo tša bokgobapuku le lefapa la tshedimošo le makgotla ao a nago le kgahlego a mengwa go šišinya bahlankedi ba maleba gore ba tle ba lebelelwe go bewa mo go Lekgotla la Bosetšhaba la Ditirelo tša Bokgobapuku le Tshedimošo go ya ka Molao wa 2001 wa Lekgotla la Bosetšhaba la Ditirelo tša Bokgobapuku le Tshedimošo, ( Molao wa Nomoro ya 6 wa 2001) go tloga ka la 1 Nof. 2006 go fihla ka la 31 Oct. 2009.
Morero wa lekgotla ke go eletša Tona ya Bokgabo le Setšo le Tona ya Thuto ka ditaba tše di lego mabapi le ditirelo tša bokgobapuku le tshedimošo ka maikemišetšo a go (a) thekga le go hlohloletša phedišano le ekonomi , thuto, setšo, boitapološo, nyakišišo ya tša mahlale, tšweletšopele ya theknolotši le tshedimošo ya ditšhaba ka moka ka gare ga naga; le (b) go fana ka phihlelelo ye e feletšeng go tshedimošo ye e lego maleba go motho yo mongwe le yo mongwe ka tsela yeo e tlago fokotša ditheko. Mehola ya Lekgotla e akaretša, magareng ga ye mengwe, go tsebiša le go eletša Ditona ka tšwetšopele le kgohlaganyo ya ditirelo tša bokgobapuku le tshedimošo ka gare ga naga.
Bahlankedi ba swanetše go emela bakgathatema bao e lego baetapele go mafapa a bona e bile ba e na le botsebi ka go ditirelo tša bokgobapuku le tshedimošo le go mafapa a thuto. Gabotsebotse ba swanela ke go ba le tsebo yeo e lego mabapi le molao wa Ditirelo tša Bokgobapuku le Tshedimošo ,taolo le ditšhelete tša bokgobapuku, tataišo ya bašomi ba ditirelo tša bokgobapuku le tshedimošo, bokgoni bja go ngwala le go bala, le botsebi bja theknolotši ya tshedimošo ka khomphiutha go tšwetšapele ditirelo tša bokgobapuku le tshedimošo tše di šomago gabotse kudu.
Motho yo mongwe le yo mongwe yo a nyakago go šišinya motho yo a tla go šomela Lekgotla o swanetše go tlatša le go romela fomo ya semmušo ya tšhišinyo go Kgoro ya Setšo le Bokgabo. Tšatšikgwedi la go tswalelela ditšhišinyo ke la 31 Agostose 2005.
Fomo ya tšhišinyo e swanetše go akaretša Ditlhomaganyo tše di latelago gore e kgone go lebelelwa:
Lengwalo leo le fanago ka maina ka botlalo le dintlha tša go ikgokaganya le mošišinyi,le hlaološago maswanedi a mošišinyi go peo go ya ka dinyakwa tše di boletšwego ka godimo,le maina, le dintlha tša boikgokaganyo tša batho ba bararo bao ba ka hlatselago mošišinywa.
Kamogelo ya ditšhišinyo ya mošišinywa yeo e ngwadilwego.
Taodišophelo (CV) e kopana ya mošišinyi, yeo e fago tshedimošo ka ga mošišinywa ka fase ga dihlogo ka moka tše di latelago:
a Thaetlele le maina ka botlalo g Maitemogelo a maleba b Nomoro ya Boitsebišo h Mafapa a botsebi c Thutaboagi i Boleloko bja Dikopano, Makgotla, bj.bj.bja kgale le bja bjale d Dintlha ka botlalo tša boikgokaganyo e Maemo a bjale le leina la mongmošomo (j) Bong f Mangwalo a thuto k Morafe
Ela hloko gore se ga se kwalakwatšo ya mošomo. Moputso wa maloko a Lekgotla o tla ya go ditefo tše di kwagalago tša maeto le ditshenyegelo tša go iphediša ge ba eya dikopanong ga bedi ka ngwaga (mo Pretoria goba disenthara tše dingwe).
Fomo ya semmušo ya tšhišinyo, ga mmogo le kopi ya Molao wa 2001 wa Bosetšhaba wa Lekgotla la Bokgobapuku le Tshedimošo, e hwetšagala go e
Kgoro ya Setšo le Bokgabo
Mokotlana wa Poso X236
Mogala. 323-5300 X254
Fekse: 323-5287
